ឯកឧត្តម កេត សោផាន់ រដ្ឋលេខាធិការនៃទីស្ដីការគណៈរដ្ឋមន្រ្តី និងជាប្រធានគណៈកម្មាធិការទទួលបន្ទុក កិច្ចសហប្រតិបត្តិការអន្តរជាតិនៃគណៈបញ្ជាការយុទ្ធនាការប្រឆាំងគ្រឿងញៀនខុសច្បាប់និងជាសមាជិកនៃ អ.ជ.ប.គ.ញ. ជួបជាមួយលោកស្រី Marie Buscail ភារធារីនៃស្ថានទូតសាធារណរដ្ឋបារាំងនិងក្រុមការងារ ដើម្បីសម្ដែងការគួរសម និងពិភាក្សាការងារ

(រាជធានីភ្នំពេញ)៖ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ពស ២៥៧០ ត្រូវនឹងថ្ងៃទី១១ ខែសីហាឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម កេត សោផាន់ រដ្ឋលេខាធិការនៃទីស្ដីការគណៈរដ្ឋមន្រ្តី និងជាប្រធានគណៈកម្មាធិការទទួលបន្ទុក កិច្ចសហប្រតិបត្តិការអន្តរជាតិនៃគណៈបញ្ជាការយុទ្ធនាការប្រឆាំងគ្រឿងញៀនខុសច្បាប់និងជាសមាជិកនៃ អ.ជ.ប.គ.ញ. ដោយមានការចូលរួមពីសំណាក់ឯកឧត្ដម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង ឧត្ដមសេនីយ៍ទោ អ៊ុយ សមផល្លារិទ្ធិប្រធាននាយកដ្ឋានសហប្រតិបត្តិការអន្តរជាតិ នៃអ.ជ.ប.គ.ញ. និងមន្រ្តីជំនាញ បានជួបជាមួយលោកស្រី Marie Buscail ភារធារីនៃស្ថានទូតសាធារណរដ្ឋបារាំងនិងក្រុមការងារ ដើម្បីសម្ដែងការគួរសម និងពិភាក្សាការងារស្តីពី កិច្ចការងារសហប្រតិបត្តិការប្រយុទ្ធប្រឆាំងគ្រឿងញៀនរវាងអាជ្ញាធរជាតិប្រយុទ្ធប្រឆាំងគ្រឿងញៀន និងសាធារណរដ្ឋបារាំង នៅស្ថានទូតសាធារណរដ្ឋបារាំង ប្រចាំព្រះរាជាណាចក្រកម្ពុជា។